Projeto educativo

Escola galega

A Semente nasce para dar às crianças a possibilidade de estarem no mundo sem renunciarem à identidade. Para valorizar a diversidade a partir do respeito pola cultura própria. Para demonstrar que todas as línguas e culturas importam, forem elas grandes ou pequenas.

Que nom é preciso abandonar a familiar para adquirir novas e diversas línguas.

Entendemos o idioma galego como parte indissolúvel da nossa cultura, da nossa história e do nosso futuro, e defendemos o seu carácter internacional; criando um espaço de interculturalidade formentará-se a importáncia do respeito às outras culturas que enriquecem o nosso país.

A perspetiva de género

Escola feminista

Consideramos que é necessário incorporar a perspetiva de género nas nossas escolas a partir dumha vissom feminista, ultrapassando a concepçom tradicional dumha educaçom que no seu momento foi denominada “neutra” ou “universal”, mas que na realidade era profundamente androcéntrica.

Queremos que as crianças tenham ferramentas para identificar o machismo e estratégias para transformá-lo, recursos para questionar o padrom sociocultural do que é “ser home” ou “ser mulher”, introduzindo novos modelos no processo de socializaçom e construçom da identidade de género que lhes permitam crescer em liberdade.

Ademais, cuidamos de que os contos, histórias, brinquedos ou filmes nom reproduzam estereótipos sexistas; mostramos realidades do entorno onde as mulheres tenhem ou tivérom um papel protagonista e utilizamos umha linguagem nom sexista, igualitária e nom excludente, entre outros aspectos.

Escola laica e científica

Somos um espaço laico, promotor dum pensamento crítico e racional, da liberdade de consciência e da tolerância. Entendemos que as ideias que se aprendem nos primeiros anos de vida som de grande importância, pois permeiam o subconsciente de tal forma que constituem a estrutura básica sobre a qual se basearám as convicçons que nos acompanharám durante boa parte da vida.

Se uma criança recebe mensagens de respeito, compreensom e racionalidade, há uma boa probabilidade de que ela se torne um adulto livre, crítico, racional e empático.

Além disso, estamos a viver tempos de proliferaçom do pensamento pseudocientífico, das crenças irracionais e das pseudoterapias, de tal modo que consideramos essencial promover o papel da ciência como via de construçom do conhecimento entre as crianças.

O respeito das diferenças

Escola Internacional

Na Escola Internacional Semente ensinamos a respeitar as diferenças e acreditamos que um mundo diverso é um lugar melhor, estabelecendo comunicaçom e colaboraçons interculturais de forma consciente através das línguas presentes nos nossos centros educativos.

Apreciamos a nossa e as outras culturas e aprendemos desenvolvendo o pensamento crítico e a capacidade de resoluçom de problemas.

O multilinguismo das nossas crianças permite-lhes conhecer em primeira mao e sem intermediários outras experiências, outras vidas, outras histórias e problemáticas. E esse conhecimento através do contraste é essencial para construir o pensamento crítico que poderá ajudar a transformar e melhorar a realidade.

Escola Transformadora

Somos umha escola sem ánimo de lucro, de pedagogia transformadora ao serviço dos interesses populares.

Pretendemos ajudar a que o modelo da Semente continue a implantar-se polo resto do território para criar pessoas respeitosas, críticas e multilíngues que podam aceder ao conhecimento da maneira mais autónoma possível e que conheçam diretamente como é e como funciona o mundo global em que vivemos.

Queremos ser, como comunidade educativa, parte ativa dumha sociedade diversa e em movimento e trabalhar com o resto de coletivos locais e internacionais pola justiça social no mundo ampliando as perspectivas sobre si mesmas e sobre o mundo ao seu redor.

Entendemos a escola como parte integrante da sociedade e como tal pretendemos colaborar na transformaçom social garantindo um processo de ensino aprendizagem democrático e fazendo possível que as crianças sejam livres e críticas.

Sem ánimo de lucro

Escola Comunitária

A Semente nom é umha empresa. É umha associaçom integrada nos movimentos sociais do País que tem como objetivo escolarizar na nossa língua e construir a futura Escola Nacional Galega.

Isto quer dizer que nom existe qualquer ánimo de lucro nem ninguém que esteja a ganhar dinheiro com o projeto. Todas as pessoas que fazemos possível a Semente trabalhamos para ter a melhor escola na Galiza que sonhamos.

Na Semente trabalham profissionais assalariadas e militantes nom profissionais, e todas somos indispensáveis para o bom funcionamento da escola.

A Semente sustenta-se graças ao trabalho e às quotas de famílias e colaboradoras, que, mesmo sem serem utentes dos serviços da escola, acreditam que há que dar soluçom à necessidade de termos um ensino na nossa língua.

Escola e Natureza

O contato com a natureza é indispensável para um desenvolvimento completo e equilibrado das crianças. Os benefícios de aprender em espaços naturais som variados: potencia a exploraçom, a curiosidade, a criatividade e apresenta desafios físicos e cognitivos que ajudam ao desenvolvimento da autoestima e da confiança.

Conscientes disto, e também da importância de que as crianças percebam os valores ambientais da nossa terra, a Semente fomentará a interaçom com a natureza potenciando a realizaçom de actividades no exterior através das saídas, jogo e trabalho na horta, etc, mas também no próprio espaço da escola favorecendo o uso de materiais naturais e reciclados, o consumo responsável, e intentando evitar o uso dos materiais plásticos.

Umha escola onde cabemos todas

Escola Inclusiva

Temos a convicçom de que um dos fins da educaçom é o desenvolvimento integral do conjunto das crianças e, para isso, é necessário atender à diversidade das suas necessidades, características, ritmos, preferências de aprendizagem, motivaçons, interesses e situaçons pessoais, sociais e culturais.

A consideraçom da diversidade como um valor significa nom apenas valorizar as diferenças, senom também aproveitar todas as potencialidades de cada pessoa para que todas e cada umha delas se sintam plenamente incluídas e contem com os espaços de participaçom, reconhecimento e desenvolvimento.

Nesta orientaçom educativa, o desenho universal para a aprendizagem (DUA) colabora em que o currículo seja planificado e posto em andamento de tal modo que nom acarrete um impedimento nem barreira para as pessoas no desenvolvimento das suas competências, através de múltiplas formas de implicaçom, de representaçom da informaçom e de acçom e expressom da aprendizagem.

Escola aberta e democrática

Somos umha escola aberta à comunidade, acolhendo as inquedanças e interesses que nos achega a sociedade educadora e, ao mesmo tempo, fazendo do nosso bairro um magnífico cenário para a aprendizagem, ao pôr em valor as culturas, artes e saberes das nossas vizinhas, clubes desportivos, bibliotecas, comércios, museus, associaçons e centros sociais, entre outros.

Queremos construir escolas acolhedoras e democráticas para a troca e produçom de sentidos, para a deliberaçom e cooperaçom em assembleia, para promover atitudes solidárias e para fortalecer o tecido comunitário do qual fazemos parte.

Rede de Escolas de Ensino Galego

Somos umha rede associativa, sem ánimo de lucro, que promove umha educaçom auto-centrada, multilingue, inclusiva, laica e renovadora pedagogicamente. Contribuímos para a construçom dumha sociedade mais justa e democrática.