Multilinguismo inclusivo

A língua galega, dizia Manuel Maria, é a chave com a que abrimos o mundo. A nossa chave é o galego, parte indissolúvel da nossa cultura, da nossa história e do nosso futuro. Desde o início da escolaridade favorecemos a aquisiçom, conservaçom, cuidado e consolidaçom do nosso idioma e, ao mesmo tempo, promovemos a aprendizagem inclusivo de línguas, como o castelhano e o inglês utilizando estratégias metodológicas, didáticas e organizativas com umha orientaçom competencial, lúdica e comunicativa.

Trata-se dum sistema de manutençom linguística -quando a criança tem o galego como língua inicial- ou imersivo -quando a/o meninha/o tem outro idioma familiar- que favorece melhores competências nom apenas em galego, senom também no resto de línguas.

Entendemos que as futuras geraçons devem possuir os conhecimentos técnico-funcionais que permitam a comunicaçom em diferentes idiomas numha sociedade global, no entanto deve receber especial consideraçom a dimensom ética, situando a proteçom da diversidade linguística como piar dum modelo educativo aberto ao diálogo intercultural com outros povos ibéricos e do conjunto da lusofonia.