Fazemos parte
De que redes fazemos parte?
Somos um projeto educativo que fai parte dumha rede internacional que promove a participaçom popular para construir soberania educativa.
Ao falarmos de soberania, fazemos referência à organizaçom das capacidades colectivas que nos permitam garantir o direito à educaçom das novas geraçons na língua própria, com um currículo autocentrado e umha organizaçom adaptada às características do nosso País.
Percorremos este caminho esperançador para o futuro do nosso idioma junto a muitos outros povos europeus, como se pode ver no seguinte mapa.
Os nossos centros de ensino infantil e primário fam parte, ademais, da NEASC (New England Association of Schools and Colleges), promovendo um multilinguismo inclusivo que, pivotando no galego, garante altas competências linguísticas em inglês e castelhano.
Ademais, nos últimos anos temos organizado eventos internacionais como o Galeusca pola diversidade linguística e cultural no âmbito educativo com La Bressola (Catalunha Norte) e Ikastolen Elkartea (Euskal-Herria), assim como conferências com as Escolas Diwan (Bretanha), entre outras entidades.
