O funcionamento

A nossa associaçom funciona graças à colaboraçom e trabalho de toda a comunidade educativa. As crianças desfrutam do serviço educativo e colaboram, na medida das suas possibilidades, no cuidado da escola; as educadoras encarregam-se de programar e desenvolver o projeto educativo e, finalmente, as famílias gerem todos aqueles aspectos organizativos, administrativos e logísticos que som necessários para que as Escolas de Ensino Galego Semente funcionem.

Dia a dia construímos umha comunidade educativa solidária onde todas as pessoas achegam o seu sorriso, conhecimento e esforço para construir umha escola democrática e participativa.